Isa ka tumalagsahon nga insidente ang natabo sa Japan sang nag-malfunction ang toll system sa sulod sang 38 ka oras, rason nga nakalabay ang mga motorista sa mga toll booth nga wala nagbayad.
Apang sa baylo nga makatipid, ginpili sang mga drayber nga mangin tampad. Sang ginhinyo sang mga otoridad nga bayadan online ang ila toll fees, masobra 24,000 ka mga tawo ang boluntaryo nga nag-settle sang ila balayaran.
Ginkabig ini sang mga opisyal bilang klaro nga ehemplo sang madalom nga kultura sang pagsalig kag responsibilidad sa sosyudad sang Hapon.
Ang insidente indi lang nagpakita sang pagiging epektibo sang sistema, kundi nagapamatuod man sang kinaiya sang mga pumuluyo-nga ang pagsunod kag mangin tampad nagahalin mismo sa sulod, bisan wala sang hugot nga pagpatuman.
