ROXAS CITY-Nagpalab-ut sang reklamo ang pila ka mga ginikanan sa Bombo Radyo kasunod sang pagpanukot sa mga ginapaprint nga module sang isa ka manunudlo sa President Manuel Roxas Memorial Integrated School -South.
Sandig sa reklamo sang isa ka ginikanan nga nag-chat sa ila nga group chat ang nasambit nga manunudlo kag gin-send sa facebook ang link nga ila pagakuhaan sang kopya sang module.
Dugang pa sini nga ginpahayag sang manunudlo nga sila man ang bahala nga magpa-print sang nasambit nga mga module.
Gin-kwestyon ini sang ginang bangud sa iya pagpati nga may yara sang kaugalingon nga pondo ang eskwelahan para sa pagpaprint sang mga modules.
Ginpahayag pa sang manunudlo nga magsaylo na lamang sila sang buluthuan kun indi sila kasarang sang gastos sa pagpapaprint.
Bangud diri, nadismaya ang nasambit nga ginang sa nangin pahayag sang amo nga manunudlo.
Samtang, ginpasalig naman sang Roxas City Schools Division nga magpatigayon sang imbestigasyon matpos nga nakalab-ot sa ila ang nasambit nga reklamo.
