ROXAS CITY – Gin-isyuhan na sang Certificate to file action ang mga investors nga magapasaka sang kaso batok sa mag-asawa nga Anciano sa Brgy. Baybay, sining syudad.
Ini ang ginkumpirmar ni Kapitan Rey Magallanes sang ma-interview sang Bombo Radyo.Ginpahayag sini nga sa 121 nga mga investor nga nagareklamo isa lang ka certificate ang ila gin-isyu.
Suno kay Magallanes, nga wala sila sang personal nga paghinala sang mag-asawa nga Anciano, apang nakalab-ot sa iya nga ini ang nagapangabay nga magaatubang lang ang mga ini sa mga tawo nga nag-invest mismo sa ila.
Dugang pa sang Kapitan nga wala man nag-impormar ang mag-asawa nga indi sila makatambong sa mga ginapatawag nga hearing.Isa sa mga ginalantaw nga rason suno diri nga wala ang mga ini nagapakita bangud man sa kahadlok sa mga investor nga base kun ano ang himuon sa ila.
Base man sa ila monitoring nga wala na nakabalik ang mag-asawa sa ila puluy-an sa nasambit nga barangay.Ginpahayag man sini nga nakalab-ot na sa NBI ang reklamo sang pila ka mga investor kag padayon ang imbestigasyon kag hulaton nalang sa korte agud didto maga-atubangay.
Nagalaom man si Magallanes nga kuntani indi na magliwat ang kasubong sini nga pagpatunto kag ginakumbensi man sini ang iya pumuluyo nga indi na mag-engganyo.
