Nagapadayon ang ginahimo nga indignation rally sang mga miyembro sang Kingdom of Jesus Christ (KOJC) sa Maynila.
Mahibaluan pasado alas 4:00 sang hapon kaina sang nagsugod ang pagmartsa sang mga nasambit nga miyembro nagikan sa Plaza Miranda padulong sa Liwasang Bonifacio.
Suno sa mga nagprotesta, ginkondena nila ang kadulaan nga respeto sa layi kung sa diin mismo ang nagapatuman sini.
Ginhinyo man sang mga ini ang hustisya sa tunga sang ginapatigayon nga operasyon sang kapulisan sa ila KOJC compound sa Davao City agud dakpon ang wanted nga si Pastor Apollo Quiboloy.
Samtang, ginpanawagan man sang mga ini ang pagbiya sa pwesto ni Pangulong Ferdinand Marcos Jr., kag tanan nga mga kaalyado sini.
Naglab-ot naman sa linibo nga mga miyembro ang nagtililipon kung sa diin alas 5:00 sang hapon sang nag-abot si anay Presidential Spokesperson Harry Roque.
