ROXAS CITY, CAPIZ – Amat-amat na nga nagadamu ang mga manugbakal sang kalan-unon sa bahin sang Teodoro Arcenas Trade Center.
Sa interview sang Bombo Radyo kay Lolita, manugbaligya sang kalan-unon, iya ginpahayag nga madahog na ang ila nga mga baligya subong nga All Saints Day.
Suno kay Lolita, mabakal sa subong ang ebos nga tag-P5 ang presyo samtang ang bitso-bitso ang mahimo mabakal sang 3 kabilog P25.
Pahayag pa niya, madamu ang nagabakal na lang sang mga kalan-unon bangud nga masako na kag wala na sang oras para nga magluto pa.
Nahibaluan nga 45 years na ini nga nagabaligya sang mga kalan-unon kag sa muni lang nga tyempo sila maka-kita sang daku sa ila mga baligya.
Nagapanawagan man ang natungdan, nga mangin aligmat sa pagpili sang ginabakal nga kalan-unon agud malikawan ang mga insidente sang food poisoning.
Interviewed by: Bombo Francis Biñas via Bombo Reports 2nd Edition
