Mga nagkawat sang 30 ka inugbulang nga manok sa banwa sang Ivisan, wala pa matumod sang kapulisan

IVISAN, CAPIZ – Wala pa matumod sang kapulisan ang mga suspek sa pagpangawat sang 30 ka inugbulang nga manok sa Sitio Malaulan, Barangay Cudian, Ivisan, Capiz.

Suno kay PMAJ Ruby Magallanes, Hepe sang Ivisan Municipal Police Station, padayon pa ang ila imbestigasyon sa natabo nga kinawatay.

Dugang pa sini nga may ginabantayan sila nga mga persona apang apang indi pa nila matumod kag nagakalap pa sang dugang nga impormasyon gikan sa mga testigo.

Samtang, nagpanugyan naman si Magallanes sa mga pumuluyo nga mangin vigilante sa palibot kag mangin alerto sa paghimos sang ila pagkabutang agud malikawan ang nasambit nga insidente.

Ginpasiguro man sini ang presensya kag pagbantay sang mga kapulisan sa amo nga banwa.