ROXAS CITY, CAPIZ – Ginpatpat sang Bureau of Fire Protection-Roxas City ang mga nakalinyada nga aktibidades para sa palaabuton nga Fire Prevention Month nga may tema “Sa Pag-iwas Sa Sunog, Hindi ka Nag-iisa!” sa bulan sang Marso.
Sa interview sang Bombo Radyo kay SFO1 Junemar Galve, Chief Public Information Officer-BFP Roxas City, ginpahayag sini nga pila ka adlaw antes ang bulan sang Marso, nadihon na ang mga balantayan nga aktibidades para sa amu nga kahiwatan.
Magasugod ini sa Marso 1, pinaagi sa kick-off ceremony kadungan sang Holy Mass nga paga-hiwaton sa Roxas City Fire Station ground kag pagasundan sang motorcade kaupod ang mga partner agencies sa bug-os nga syudad sang Roxas.
Masunod diri amu ang blowing of siren, kag sa sini nga aktibidad ginapahibalo ang mga tawo nga maga-siren ang tanan nga mga fire truck nga magalibot sa ruta sang aktibidad.
Pagahiwaton man ang fire drill , Art contest, Tree planting , Mangrove Planting, Roadshow kag madamo pa.
Samtang ang nasambit nga mga aktibidad ang magatakop sa Marso 28, 2025.
