Nagpanawagan ang pila ka mga mayor nga grupo sang negosyo nga ibalik sa gobyerno ang masobra P107 bilyon nga pundo sang Philippine Deposit Insurance Corporation (PDIC) nga ginsaylo sa National Treasury.
Suno sa ila, ang paggamit sang sini nga pundo bilang dibidendo nagahatag sang risgo sa kalig-on sang sistema pinansyal sang pungsod.
Ginpanindugan sang mga grupo nga dapat magmentinar sang nagakaigo nga reserba ang PDIC agud masiguro ang proteksyon sang mga depositor sa tion nga magluntad ang krisis sa sektor sang bangko.
Ginhatagan man nila pagtamod nga ang tikang sang Department of Finance nagahatag sang malain nga halimbawa nga mahimo makahalit sa pagsalig sang publiko sa mga bangko.
Dugang pa sang grupo, nga dapat sundon ang ano man nga prinsipyo kaangay sang pagbalik sang pondo gikan sa PhilHealth agud mapabilin ang pagsalig sa banking sector.
Nagapati sila nga kinahanglanon ang gilayon nga aksyon sang gobyerno agud mapabilin ang kapag-on sang ekonomiya kag pagsalig sang publiko sa sistema pinansyal.
