ROXAS CITY-Ginpasalig ni Roxas City Mayor Ronnie Dadivas nga siguruhon nga hilway sa coronavirus disease (COVID-19) ang mga Overseas Filipino Workers (OFWs) nga nagpauli sa siyudad sang Roxas antes sila makabiya sa Hortus Botanicus sa Barangay Milibili kun sa diin nagapadayon ang ila nga 14-day quarantine period.
Ginpahayag sini nga igapaidalom sa swab testing sa ikatatlo kag ikapito nga adlaw sang ila quarantine period ang nasambit nga mga OFW’s.
Pinaagi sini suno kay Dadivas, masiguro ang pat-od nga resulta kun hilway ang nasambit nga mga indibidwal sa amo nga balatian.
Gindugang pa ni Dadivas nga igapaidalum man sa rapid testing kag confirmatory testing ang nasambit nga mga OFW’s.
Ginpabugal man sang alkalde nga sa subong wala ini sang nabaton nga reklamo natuhoy sa kahimtangan sang mga OFW’s sa gindesignar nga quarantine facility.
Ini ang kasunod sang pag-positibo COVID-19 sang pila ka mga returning OFW’s sa Iloilo kag Bacolod.
