ROXAS CITY -Gin-athag sang pamunuan sang Roxas City Integrated Transport Terminal (RCIT) nga wala ginpapauntat ang biyahe sang mga bus sang Vallacar Transit Inc. nga nagabiyahe sa probinsiya sang Capiz.
Suno sang admin aide nga si Sandy Cachuela sang mainterview sang Bombo Radyo.
Ginpahayag ni Cachuela nga padayon ang biyahe sang mga bus sang Vallacar Transit apang wala ginapasugtan nga magsulod sa terminal ang mga bus nga wala sang special permit.
Gindugang pa ni Cachuela nga wala nagkulang ang pamunuan sang terminal nga magsapol sa mga pampubliko nga salakyan kag pagpaintiendi angut sa pagkuha sang mga ini sang special permit.
Samtang nagpasalig naman ang pamunuan sang Vallacar Transit Inc. nga ipaapas ang mga special permit sang mga bus nga wala makabiyahe.
Sa karun ang mga may yara pa lamang sang special permit amo ang mga van sang Maldita Group kag mga jeep nga nagabiyahe sa banwa sang Sapian kag Dumalag.
