ROXAS CITY, CAPIZ- Amat-amat na nga nagadugok ang mga passahero sa Roxas City Integrated Transport Terminal bangud sa nagahilapit nga pagselebrar sang Paskwa kag bag-ong tuig.
Sa interview sang Bombo Radyo kay Pablito Solitario, driver sang Ceres Bus, iya ginpahayag nga ginakulang ang unit sang ila nga mga bus bangud sa tuman ka damo sang mga pasahero.
Suno kay Solitario, wala pa naman sang mga pagbag-o sa operasyon sang ila nga byahe, apang ginapangabay sini sa mga pasahero nga kuntani agahan pa nila sa pagsakay agud nga indi na magkinaguol pa.
Samtang, suno naman sa isa ka pasahero nga si ‘Johnny’, kaangay nga wala pa naman sang ikabalaka gid ang mga pasahero bangud nga maayos naman ang byahe sang mga ceres kag amo man sa gihapon ang mga trip schedules sini.
Panugyan sini sa mga kaangay niya nga mga pasahero nga kuntani magpadulong sang timprano pa sa terminal agud nga indi na maghinulat pa sa masakyan nga mga bus bangud sa timprano man ini nga nagakapuno.
Interviewed by Bombo Francis Biñas
