Gindayaw sang mga otoridad sa The Hague, Netherlands ang Pilipino community bangud sa malinong kag matawhay nga pagpatigayon sang ila protesta.
Ang amo nga kahiwatan ang kadungan man sang confirmation of charges hearing batok kay Rodrigo Duterte sa International Criminal Court, nga nag-umpisa subong nga adlaw.
Sa interview sang Bombo Radyo kay Bombo Lucky Charm, iya ginpahayag nga mayara sang naka-igo nga permit ang rally kag ginpahanugutan man ini sang gobyerno bangud ginasunod ang tanan nga pagsulundan.
Suno kay Lucky Charm, may yara sang mga pro-Duterte kag may yara man sang mga anti-Duterte nga nag-upod sa protesta.
Ang kada kampo ang may tagsa-tagsa ka panindugan kag suporta kay former President Duterte.
Nahibaluan nga Kada adlaw tatlo ka sesyon ang hiwaton: ang una nga sesyon sa subong nga adlaw ang magaumpisa alas 5 tubtob alas 6 sang hapon, oras sang Pilipinas kag pagasundan sang isa naman ka session halin alas 6:30 tubtob alas 7:30 sang gab-i kag ang katapusan nga sesyon ang alas 9 tubtob alas 10 sa gab-i.
