Linibo ka mga tawo sa Washington, D.C. ang nagprotesta agud ipanawagan ang impeachment kag pasabton si U.S. President Donald Trump.
Ang rally may tema nga “Remove the Regime,” sa diin nagkalain-lain nga mga hilikuton ang ginhiwat lakip na ang speeches, comedy acts, kag live music performance gikan sa mga banda nga Dropkick Murphys kag Earth to Eve.
Pagkatapos, nagmartsa ang mga demonstrador malapit sa isa ka mall sa syudad.
Kaangot sini, ginpatigayon man ang isa ka gamay nga solidarity rally sa Charlotte, North Carolina kag Fairmont, West Virginia kasunod sang “No Kings movement” sang nagligad nga bulan nga gintambungan sang ginabanta 7 milyon ka mga tawo sa nagkalain-lain nga mga syudad sa pungsod.
Nahibaluan nga ang protesta kadungan sa malain nga poll numbers ni Trump, nga nagapakita sang 14 tubtob 26 percent nga disapproval rating, upod ang kabalaka sang publiko sa pagtaas sang presyo sang mga balaklon sa pihak sang mga polisiya sang administrasyon sa trade war.
