Mga sepulturero, masako na sa pagpanglimpyo para sa nagahilapit nga tigkalalag

ROXAS CITY, CAPIZ – Masako na sa pagpanglimpyo ang pila ka mga sepulturero sa patyo samtang nagahilapit nga tigkalalag.

Sa interview sang Bombo Radyo kay alyas Johnny, iya ginpahayag nga madamo na ang nagapalimpyo sa ila subong nga semana agud indi na magdungan sa madamo nga tawo sa Nobyembre 1 kag 2.

Suno pa kay Johnny, ginasiguro nila nga mangin malimpyo ang mga nitso kag pantyon agud nga malipay man ang mga nagapalimpyo sa ila.

Pahayag pa niya, sa subong nga bulan lang sila maka-kita sang daku bangud sang ila nga paglimpyo kag pagpinta sang mga nitso.

Nagpanawagan man ang natungdan nga mangin responsable sa ila nga mga basura sa pagbisita sang ila mga nagtaliwan nga himata.