ROXAS CITY – Matapos magpatuman sang big time rollback sadtong nakaligad nga semana, nag-anunsiyo naman ang mga kompaniya sang langis sang pagtaas sa presyo sang mga produktong petrolyo subong nga adlaw sang Martes, Marso 29.
Base sa latest oil monitor sang Department of Energy, nagresulta ini sa year to date adjustments nga may net increase nga P14.90 sa kada litro sang gasolina, P19.20/liter para sa diesel kag P16.35/liter para sa kerosene.
Madamo naman nga mga motorista ang nagapanghakroy sa ika-12 na nga oil price hike.
Sa interview sang Bombo Radyo Roxas kay Ian De Pedro, isa ka tricycle driver sa syudad sang Roxas, ginpahayag sini nga wala sa gihapon sila sang mahimo kundi magpadayon sa pagpamasada bangud ini lang gid ila nga trabaho.
Subong nga hapon, nagpatigayon ang mga ini sang hublag protesta sa pila ka mga dalanon.
Nagapanawagan man ini sa national government nga ibasura na ang oil deregulation law kag ihatag na ang fuel subsidy nga para sa ila nga mga tricycle drivers.
