Nagapanawagan ang pila ka mga vendors sa syudad sang Roxas, Capiz sa gobyerno nga kuntani hatagan man sila sang cash assistance bangud sa nagapadayon nga krisis nga ginapangutang sang pungsod tuga sang kinagamo sa Middle East.
Sa interview sang Bombo Radyo kay Virginia Dela Cruz, manugbaligya sang kandila sa Immaculate Conception Metropolitan Cathedral, iya ginpahayag nga kuntani talupangdon man sila sang gobyerno bangud nga apektado man sila sa nagapadayon nga pagtaas sang mga balaklon.
Suno kay Dela Cruz, bilang isa ka manugbaligya kandila, naga-ayo-ayo lang ang iya nga income sa tion nga may kahiwatan ang simbahan kasubong sang Semana Santa.
Pahayag niya, kun mga normal lang nga adlaw, yara lang sa 150 pesos ang kita niya sa bilog nga adlaw.
Nagalaum ang natungdan nga pamatian sang gobyerno ang ila nga mga panawagan.
