ROXAS CITY – Nagdangop sa Roxas City Police Station ang isa ka ginang agud ipabalhag ang ginhimo nga pagpanunto sang isa ka scammer sa iya gamit ang social media site nga Facebook.
Ginkilala ang biktima kay Maria Fe Yamyamin, 48 anyos sang Barangay Lawaan, Roxas City.
Base sa ginparekord sang ginang, may nag-chat sa iya sa Facebook nga nagpakilala nga iya mister nga si Francisco Yamyamin Jr. kag nagapangayo sang kwarta nga gamiton para sa ospital.
Bangud sa pagkahangawa sa iya mister kag pagdumdom nga na-ospital gidman ini, nagpadala ang ginang sang P30, 000 sa pangalan nga Narihito Sasaki.
Nakompirmar lamang sang ginang nga nabiktima ini sang scam sang gintawagan ang iya mister kag didto iya nahibaluan nga wala man ini na-ospital.
Bangud diri, ginpakamaayo sang ginang nga ipabalhag sa pulisya ang natabo.
