Patay ang isa ka misis matapos nga ginbuno sang kaugalingon nga mister sang Sabado de Gloria sa Angono, Rizal.
Suno sa mga kapulisan, nasapwan ang biktima nga wala na sang kabuhi sa sulod sang ila nga balay, samtang dimos naman sang dugo ang suspek sang nakit-an sa banyo nga may madalom nga pilas sa tiyan.
Kritikal man ang kahimtangan sang ila nga 15-anyos nga anak nga ginapahayag nabun-an man sang amay, samtang luwas nga nakapalagyo ang isa pa nila ka anak nga 12-anyos.
Narekober sa ginluntaran sang insidente ang isang kitchen knife nga ginadudahan ginamit sa krimen.
Padayon pa nga gina-imbestigaran sang mga awtoridad ang motibo, apisar nga ginalantaw ang posibilidad nga may kaangtanan ini sa problema sa sugal kag utang sang suspek.
Nagapangatubang ang lalaki sa mga kaso nga parricide, frustrated parricide, kag attempted parricide, samtang padayon siya nga ginabulong sa ospital.
Posible man ini nga ipaidalom sa drug test, kag autopsy naman ang patigayunon sa napatay nga biktima.
