Nakuha ni Miss Universe Philippines Chelsea Manalo ang Best in National Costume sa nagtakop lamang nga Miss Universe 2024.
Si Manalo ang nakakuha sang 1st place nga ginsundan naman sang taga-pungsod Chile nga si Emilia Dides kag Vietnam nga si Nguyen Cao Ky Duyên.
Ang national costume ni Manalo nga gintawag “Hiraya” kung sa diin base sa kasaysayan kag debosyon sa relihiyon sang pungsod Pilipinas.
Ang nasambit man nga custome ang nagasimbolo sa relasyon kag kasaysayan sa tunga sang Pilipinas kag Mexico.
Mahibaluan nga si Manny Halasan ang yara sa likod sang maanyag kag detalyado nga national costume nga ginpasundayag ni Manalo sa Miss Universe stage.
Matandaan nakuha man sini ang pasidungog bilang Miss Universe Asia sa nasambit nga paindis-indis.
Ang amu nga kadalag-an “back-to-back” man para sa pungsod bangud kung matandaan si Miss Universe Philippines 2023 Michelle Dee man ang ginkilala bilang Best in National Costume sa Miss Universe 2023.
