Mister arestado matapos nga nadakpan sa akto nga nagpangawat sa isa ka establisyemento-komersyal sa Pueblo de panay Barangay Lawaan, Roxas City

ROXAS CITY-Tuman ang paghinulsol sang 31-anyos nga lalaki matapos nga nadakpan nga nagpangawat sa isa ka establisyemento komersyal sa Pueblo de panay, Barangay Lawaan, Roxas City.

Ginkilala ang suspek nga si Julius Palacio, residente sang Barangay Tiza, Roxas City.

Mahibaluan nga hulurmahan sang sansalon ang ginkawat sang suspek nga ginabulubanta P14,200 ang bili.

Sa interview sang Bombo Radyo kay Palacio nga gin-ako sini nga ginkawat ang nasambit nga mga kagamitan apang depensa sini nga may yara sang sakit ang iya nga anak rasun nga ginhimo sini ang nasambit nga krimen.

Gindugang pa sini nga nahimo gid lamang ang amo nga buluhaton bangud wala ini sang trabaho.

Sa karon nakahunong na sa karsel sang Roxas City Police Station si Palacio.