Mister, nagaapelar sang bulig sa lokal nga gobyerno sang Dao para makapauli gikan sa Aklan bangud sa iya napatay nga iloy 

ROXAS CITY -Napa-apelar ang isa ka mister sa lokal nga gobyerno sang banwa sang Dao nga mapasugtan nga makapauli sa probinsiya gikan sa Numancia, Aklan.

Ginpahayag ni John Quintia, residente sang Barangay Nasunugan, Dao, Capiz nga luyag sini nga magpauli sa nasambit nga banwa agud magkumpanyar sa lubong sang iya iloy apang ginapangayuan ini sang probinisiya sang Certificate of Acceptance gikan sa LGU sang Dao.

Suno sa kay Quintia nga madugay na ini nga nagdangop sa LGU sang Dao agud makakuha sang amo nga dokumento apang tubtob subong wala ini sa gihapon mahatagan.

Gindugang pa ni Quintia nga wala na ini sang plano nga magbalik pa sa Numancia, Aklan sa tion nga makapuli sa banwa sang Dao kag handa ini nga magpaidalum sa 14-day quarantine.