-- ADVERTISEMENT --
ROXAS CITY-Pilason ang 53-anyos nga mister matapos nga naaksidente sa motorsiklo nga ginasakyan sa Pueblo De Panay, Barangay Lawaan, Roxas City.
Ginkilala ang biktima nga si Dante Cam, residente sang Barangay Dinginan sining siyudad.
Sa pagpangusisa sang Bombo Radyo sa guwardiya sang isa ka BPO Company sa nasambit nga lugar, ginpahayag sini nga madasig ang pagpadalagan ni Cam sang iya top-down nga motorsiklo rason nga lumapaw ini sa kurbahon nga porsyon sang dalan, kag bumunggo sa signage sang isa ka servicing shop.
Suno sa guwardiya nga namutikan nga yara sa idalom sang impluwensiya sang makahulubog nga ilimnon si Cam.
Samtang gilayon naman ini nga ginbulong sang mga katapo sang Roxas City Emergency Response Team (RCERT)
-- ADVERTISEMENT --
