PILAR, CAPIZ- Yara na karon sa estable nga kondisyon ang 31 anyos nga mister matapos nga ginlabo sa Barangay San Ramon, Pilar, Capiz.
Ginkilala ang biktima kay Joven Verbo, residente sang nasambit man nga lugar.
Suno kay Police Corporal Herbert Dela Vega, imbestigador sang Pilar Municipal Police Station nga yara naman sa maayo nga kondisyon ang biktima kag padayon nga ginabulong sa Roxas Memorial Provincial Hospital.
Ginklaro man ni Dela Vega nga sala ang una nga report nga ginpabalhag sa ila talatapan sang utod sang biktima matapos natukiban nga wala man sang nakit-an nga pilas sa lawas sang biktima tuga sang pagpaniro.
Matandaan nga pauli na kuntani ang biktima sang ginaalegar nga hinali na lamang ginlabu sang suspek nga si Lucas Tallente, Jr gamit ang bolo.
Ginaalegar nga samtang nagadalagan ang utod sang biktima agud buligan ang utod sini didto kag nakabati ini sang lupok sang armas kag sa pagbanta sini nga naigo ang iya utod rason nga iya ini ginpabalhag.
Bangud diri, nag-angkon sang pilas sa nawala nga porsyon sang abaga ang biktima.
Ginapahayag nga posible nasal-an lamang sang suspek ang biktima nga iya kontra.
Padayon naman ang imbestigasyon sang mga kapulisan sa nagluntad nga insidente.
Samtang, nagapabilin naman nga atlarge ang suspek.
