ROXAS CITY-Arestado ang 21-anyos nga lalaki matapos nga ginserbihan sang warrant of arrest sang tingub nga puwersa sang Panay Muncipal Police Station, Roxas City Police Station, 1st Capiz Provincial Mobile Force Company, Highway Patrol Group kag Criminal Investigations and Detections Group-Capiz sa banwa sang Panay.
Ginkilala ang nadakpan nga si Alexander Martinez , residente sang nasambit nga lugar.
Kaso nga paglapas sa R.A 10883 ukon Anti-Carnapping Act of 2016 ang ginapangatubang sang akusado kun sa diin ang warrant of arrest sini ang gin-issue kag ginpirmahan ni Presiding Judge Kristine Tiangco-Vinculado sang RTC Branch 16, Roxas City sadtong Agosto 19, 2020.
Wala naman sang ginrekomendar nga piyansa ang korte sa temporaryo nga kahilwayan ni Martinez.
Matandaan nga si Martinez ang ginatudlo responsable sang serye sang kinawatan sang mga motorsiklo sa probinsiya.
