-- ADVERTISEMENT --
ROXAS CITY – Wasak ang isa ka motorsiklo matapos nabungguan sang isa ka motorsiklo sa Roxas Avenue, Barangay 10, sining syudad.
Nag-angkon sang samad sa lawas ang biktima nga si John Robert Azarcon 26-anyos sang Barangay Lawaan, sining syudad.
Sandig sa imbestigasyon gikan sa Barangay Lawaan ang biktima kag buot magpadulong sa Roxas Avenue.
Sa pagliko sini sa natuo nga porsyon sang dalan, wala sini madiparahan ang nagahagunos nga motorsiklo nga nagbunggo sa iya.
Bangud sa impact sang pagkabunggo, natumba ang duha ka motorsiklo apang nagbangon ang driver sang nakabunggo nga motor kag madasig nga nagbiya sa lugar. Gindapatan naman sang pagbulong ang naangkon nga kapilasan sa lawas ni Azarcon.
-- ADVERTISEMENT --
