Nasunog ang isa ka motor sa Pueblo de Panay, Barangay Lawaan, Roxas City.
Ang amo nga motorsiklo ang ginapanag-iyahan ni Stepine Alvero, 16-anyos kag residente sang Barangay Sibaguan, Roxas City.
Sa nakuha nga impormasyon sang Bombo Radyo sa BFP-Roxas City, nakabaton ang mga ini sang tawag nga kun sa diin ginapahayag nga may motor nga nasunog sa nasambit nga lugar.
Gilayon naman nga ginrespondehan sang mga otoridad ang amo nga sunog nga kun sa diin naggamit ang mga bombero sang fire extinguisher sa pagtapna sang nasunog nga motorsiklo.
Sandig sa inisyal nga imbestigasyon sang BFP-Roxas, ginapahayag nga nagatagas ang karburador sang amo nga motorsiklo kag nalipatan sang tag-iya nga i-switch off ang gas lining sang amo nga motorsiklo.
Nagdangat naman sa kapin P6,000 ang ginabulubanta nga nangin kahalitan sa nasambit nga insidente.
