-- ADVERTISEMENT --
ROXAS CITY – Narekober ang isa ka motorsiklo nga ginaalegar na motornap sa Barangay Inzo Arnaldo, Roxas City.
Ang nasambit nga motorsiklo amo ang Suzuki Raider 150 nga nagaduag sang Gold nga ginapanag-iyahan ni Rey Ignacio, 47 anyos sang Barangay Dinginan sining syudad.
Base sa inisyal nga imbestigasyon sang mga kapulisan nga ginaalegar gin-motornap sang suspek nga si Jason Fructiso, 18 anyos sang Barangay Mianay, Ivisan, Capiz ang nasambit nga motorsiklo.
Sa karon yara na sa kustodiya sang Roxas City Police Station ang amo nga motorsiklo para sa nagakaigo nga disposisyon.
