Nagahinyo sang pag-intindi ang talatapan sang Metro Roxas Water District (MRWD) bangud sa pagkadula sang suplay sang tubig sa syudad sang Roxas, Ivisan, Panitan kag Panay.
Sa interview sang Bombo Radyo kay Mr. Mark Bernas, public information officer sang MRWD, ini bangud naatrasar ang ila pagkaayo sang Paslang Water Treatment Plant sa ila gintalana nga oras.
Nabatyagan naman ang pagbalik sang tubig mga takna alas-6:40 subong nga aga sa pila ka mga manubo nga lugar apang posible sa mga udto pa mabalik sa normal ang suplay sang tubig sa mga mataas nga lugar sa syudad kag kaiping nga kabanwahanan.
Matandaan nga nag-anunsyo ang amu nga talatapan sa ila Facebook page nga may yara sang pagkadula sa suplay sang tubig takna alas-9:00 Sabado sang gab-i tubtob alas-4:00 sa aga sang Domingo.
