Ginakalipay nga ginpakigbahin sang isa sa mga myembro sang Jaro Archdiocesan Social Action Center ang may kaangtanan sa nangin topiko ni Presidente Ferdinand Marcos Jr. sa iya nga ika-apat nga State of the Nation Address (SONA) sang tinalikdan nga Lunes, Hulyo 28, 2025.
Sa interview sang Bombo Radyo kay Msgr. Meliton Oso, Director sang Jaro Archdiocesan Social Action Center, iya ginpahayag nga nalipay gid siya nga gintalakay ni Presidente Marcos ang nagakahinabo nga korapsyon sa pungsod ilabi na sa mga proyekto sang gobyerno partikular ang flood control project.
Dugang pa sini, nga kuntani magapadayon ang pagtapna sang korapsyon bangud suno sa iya isa ini ka makamamatay nga pinamatasan.
Nagalaum si Msgr. Oso nga sinsero si Presidente Marcos sa iya sini ginpangbuy-an nga mga tinaga sa SONA para sa ikabenepisyo kag ikaayo sang tagsa ka mga Pilipino.
Samtang, ginapangabay ni Msgr. Oso nga maslusyonan ang tagsa ka mga problema nga sa karon ginapangatubang sang tagsa-tagsa sa pungsod.
Interviewed by Bombo Francis Biñas
