ROXAS CITY-Nagdepensa ang Municipal Heath Officer sang Maayon Rural Health Unit nga nag-koordinar sa iya ang doktor nga nag-asikaso sa isa ka mister nga ginkabig COVID-19 Suspected Case matapos ginbawian sang kabuhi samtang ginabulong sa isa ka ospital sa syudad sang Iloilo.
Suno kay Dra. Sandra Sorongon nga nagtawag sa ila ang doktor sang Western Visayas Medical Center kag nag-impormar nga may isa ka residente sang banwa sang Maayon ang ginbawian sang kabuhi kag ginkabig nga COVID-19 Suspected Case.
Gindugang pa ni Sorongon nga gilayon siya nga nagtawag sa Joel Funeral homes agud kuhaont ang bangkay sang napatay sa siyudad sang Iloilo kag gilayon nga ilubong
Ginpanindugan ni Sorongon nga nagsunod lamang ini sila sa protocols nga ginapatumam sang DOH natuhoy sa mga napatay nga mga suspected kag positive case nga gilayon nga ginalubong.
Ginklaro sini nga nagtawag ini sa cellphone sa asawa sang nagtaliwan nga mister agud ipahibalo nga negatibo sa COVID-19 ang napatay sini nga mister.
Apang ginapahayag sini nga wala man sila sang abiso gikan sa pamilya sang napatay nga mahimo maghulat lamang rason nga gilayon nga ginlubong ang bangkay.
Matandaan nga personal nga nagdangop sang reklamo sa Bombo Radyo Roxas si Pilar Casapao batuk sa Joel Funeral Homes matapos nga ginlubong ang iya sini nga mister nga napatay nga SUSPECT CASES sa pihak nga negatibo sa COVID-19.
