Dako ang pagpasalamat sang na-eliher nga alkalde sa banwa sang Pilar sa suporta nga ginhatag sang mga Pilareño sa nagtakop nga 2025 National and Local Elections.
Sa interview sang Bombo Radyo kay incumbent Mayor-Elect Arnold “Dodoy” Perez, ginpahayag nga pormal na ini nga ginproklamar bilang alkalde sang nasambit nga banwa.
Pahayag pa ni Perez nga igapadayon sini ang na-umpisahan nga mga proyekto nga una na nga ginlunsiyar bag-o paman ang ginpatigayon nga Election 2025 kasubong sang bag-o nga ginatukod nga merkado sang banwa.
Dugang pa sini nga, may yara naman sang ginpanglinyada nga mga proyekto para sa mga Pilareño.
Base sa iya gin-umpisahan nga pagpabag-o sang imahe sa nasambit nga banwa, isa ini sa nangin bugal kag mahimo pa nga ipabugal sang mga Pilareño sa iban pa nga mga banwa.
Gani, ginahinyo ni Perez sa iya mga pumuluyo nga padayon siya nga suportahan sa iya maayo nga tinutuyo agud magserbisyo sang tampad kag mas mahimo pa nga mapabag-o ang banwa.
