ROXAS CITY – Magabaton sang P100,000 nga incentives nagikan sa Capiz State University (CapSU) ang nag-Top 1 sa Special Professional Licensure Examination (SPLE) for secondary teachers nga si Freddie Tanlawan Jr., LPT.
Ini ang ginkumpirmar ni Dr. Editha Alfon, Capiz State University President sang mainterview sang Bombo Radyo.
Suno kay Alfon, nakabutang sa ila nga pagsulundan nga magabaton sang monetary incentives ang mga topnotcher sa anuman nga pasinawan.
Tuman naman ang kalipay nga nabatyagan sini sa nalab-ot nga kadalag-an ni Tanlawan nga naggradwar sa kurso sang BS in Electrical Engineering kun sa diin ginlaragway pa sini nga isa ka maalam nga estudyante kag madugay na nga nakitaan sang potensyal.
Pahayag pa sini nga daku nga kadungganan ini sa ila eskwelahan kag mangin inspirasyon sa mga estudyante nga magtimakas agud malab-ot ang handom.
