Naglab-ot na sa masobra 55,000 ang napatay sa Gaza bangud sa pag-atake sang Israel

Nagdangat na sa 55,104 ang napatay sa padayon nga pag-atake sang Israel sa Gaza.

Ang Gaza Health Ministry nagsiling nga ang numero nagtaas sugod sang ginpabaskog sang Israel ang ila mga pag-atake sang Oktubre 7, 2023.

Nakarekord sila sang 127,394 ka mga pilas halin sang nagsugod ang mga pag-atake.

Base sa record, 4,821 na ka mga Palestinians ang napatay samtang 15,353 naman ang napilasan humalin sang napaslawan ang ceasefire sang Marso.

Ginakahadlukan sang United Nations nga magataas pa ang numero bangud sa nagapadayon nga pag-atake sang Israel.