ROXAS CITY – Kabug-usan nga 5,579 ang nangin benepisyaryo sa libre nga medical kag dental check-up magluwas pa sa iban nga serbisyo nga ginhatag sa Bombo Medico 2018 sa Capiz Gymnasium.
Nagalab-ot sa 4,080 ang nahatagan sang atensyon medical samtang 706 naman sa dental services kasubong sang paggabot sang ngipon.
863 naman ang nag-avail sang optical services kag nakabaton sang reading glasses.
Yara naman sa 176 ang nagpa blood sugar testing, 90 ang nagpagunting sang buhok, 4 ang nagpauli nga may bag-o nga crutches kag 13 ang nahatagan sang prosthetic hand.
Samtang tuman naman ang pagpasalamat sang isa ka iloy matapos nga isa ang iya anak sa naka-avail sang libre nga dental services.
Suno kay Mrs. Josephine Alaer sang Barangay Lonoy, Roxas City nga daku nga bulig sa ila ang libre nga serbisyo, bangud indi na nila kinahanglan nga magbayad pa sa dentista para gid lamang magabutan sang ngipon ang iya anak.
