ROXAS CITY – Gindayaw sang National Anti-Poverty Commission (NAPC) secretary ang dako nga pagnubo sang poverty incident sa probinsya sang Capiz.
Suno kay NAPC secretary Atty. Noel Felongco nga sa napagkit nga datos sang National Statistics Office sang tuig 2015 yara sa 25.3 porsyento ang poverty incident apang sang tuig 2018 yara na lamang 8.1 porsyento ang poverty incident.
Nagapati si Felongco nga nagadependi lamang ini sa diskarte sang mga local government unit kag sa provincial officials.
Nakita man ni Felongco ang mga factors sa pagnubo sang poverty incident amo ang libre nga tuition fees, madamo nga job oppurtunities kag ang serbisyo caravan nga ginapatigayon sang provincial government nga ginapangunahan ni Governor Esteban Evan “Nonoy” Contreras.
Sa karon magabulig ang NAPC pinaagi sa ila nga programa nga Sambayanihan Serbisyong Sambayanan agud mapalapit ang paghatag sang serbisyo sa mga Capizeno.
