Naglunsar ang National Citizen’s Movement for Free Elections (Namfrel) kahapon nga sang Huwebes, Mayo 8, isa ka app nga ginatawag Operation QR Count 2025 nga nagapahanugot sa mga botante nga ma-verify ang mga resulta sang eleksyon gikan sa ila mga polling precincts sa Lunes, Mayo 12.
Suno kay Namfrel National Chairperson Lito Averia, pinaagi sa nasambit nga app, ang mga botante nga may smartphones nga konektado sa internet ang mahimo maka-scan sang QR code para sa resulta sang eleksyon sa tion nga ma-post na ini sa guwa sang polling precinct mga alas 7:00 sang gab-i sa adlaw sang eleksyon.
Pagahimuon ang posting sang resulta sang eleksyon antes ipasa ang mga boto pinaagi sa automated counting machines
Sa website sang Namfrel, makita sang publiko kon ano nga transmitted election results ang may pareho nga precinct results nga ginpadala sang publiko paagi sa pag-scan sang ER QR code.
Ang mga bantay sa eleksyon nagpahanumdom nga ang pagboto sa adlaw sang eleksyon nagasugod alas 7:00 sang aga tubtob alas 7:00 sang gab-i.
