Nagpakigbahin sang mga accompplishment sang ila talatapan ang National Commission of Senior Citizen para sa tuig 2025.
Sa interview sang Bombo Radyo kay Director Rapunzel Ganzon, Regional Director sang National Commission of Senior Citizen, iya ginapahayag nga lakip sang ila nga accomplishment amo ang standard centenarian act kun sa diin may yara 29, 791 ka mga centenarian ang nahatagan sang ila sini nga cash gift.
Suno kay Ganzon, may yara sang 3,392 nga mga senior citizen ang nahatagan sang ila nga cash gift sa bilog nga probinsya sang Capiz.
Pahayag pa niya, nagapadayon man sa gihapon ang pagbaton nila sang aplikante nga wala pa nakabaton sang ila nga grant humalin tuig 2024 tubtob tuig 2025.
Apisar may kakulangan sa manpower, ginasiguro nila nga malibot nila ang kada bahin sang bilog nga Western Visayas.
Dugang pa sang natungdan, magapadayon ang ila nga pagserbisyo sa tuig 2026, sa paghatag sang benepisyo sa mga senior citizen nga nagakinahanglan.
INTERVIEWED BY: BOMBO LYND-C JOY BADE VIA BOMBOHANAY UDTO
