Nakakuha ang National Bureau of Investigation (NBI) sang bag-o nga dashcam footage nga ginakabig nila nga importante sa nagapadayon nga imbestigasyon sa kamatayon ni Former Department of Public Works and Highways (DPWH) undersecretary Maria Catalina Cabral.
Makita sa footage si Cabral nga nagapungko sa konkreto nga sementado sa tunga sang mga safety barriers sang Disyembre 18, 2025. Wala siya sang kaupod kag wala sang salakyan sa lugar.
Suno sa NBI, ini na ang katapusan nga tion nga nakita nga buhi si Cabral.
Gin-analisar sang National Bureau of Investigation ang footage frame by frame, nga nagalakip sang mga coordinate, petsa, kag oras, kag nagsanto ini sa lugar sa diin nasapwan ang iya bangkay sa Kennon Road.
Gina-imbestigaran man sang National Bureau of Investigation ang anti-anxiety medication kag duha ka kutsilyo nga nakit-an sa mga gamit ni Cabral.
Pahayag sang National Bureau of Investigation, ang bulong ang para sa sleep and anxiety disorders, nga posible makatuga sang suicidal tendencies kun gamiton sa malawig nga panahon.
Padayon pa ang imbestigasyon sang National Bureau of Investigation agud mas mahangpan kun ano ang natabo sa katapusan nga mga tinion sang kabuhi ni Cabral kag posible nga gintunaan sang iya kamatayon.
