ROXAS CITY – Nagpalab-ot sang reklamo sa Roxas City PNP ang isa ka 46-anyos nga negosyante matapos nga ginaalegar ginhanaan nga lab-on sa Teodoro Arcenas Trade Center.
Suno sa tagreklamo nga si Leoncio Gaborne sang Barangay Banica sining syudad nga samtang nagapanirado ini sang iya nga tindahan sa amo nga merkado sang hinali na lamang ginhawidan ni “Sean Patrick” sang Barangay 8, ang ila sini padlock sa diin natabuan nga alarm installed ini.
Ginaalegar ni Gaborne nga posible si “Sean Patrick” ang nagatinguha nga kawatan ang ila nga tindahan.
Naakig si “Sean Patrick” sa alegasyon sa iya sang tagreklamo rason nga ginhanaan sini nga lab-un sang bolo ang tagreklamo.
Bangud diri, ginpakamaayo na lamang sang tagreklamo nga ipa-rekord sa pulisya ang insidente.
