Naka-high alert status ang Negros Island Region matapos ang explosive eruption sang Bulkan Kanlaon banda alas-8:05 sang gab-i, Oktubre 24, 2025.
Suno sa report, nakabalhag ang mabaskog nga paglupok ang mga pumuluyo sang Barangay Pula, Canlaon City, kag nakita ang mataas nga paglipad sang abo pa-northeast, nga may taas nga nagalab-ot sang 2,000 metros halin sa bulkan.
Ang paglupok ang nagdala sang abo, sulfur, kag pag-uyog sang duta sa pila ka mga lugar sa Bago City, La Carlota City, kag San Carlos City, partikular sa mga barangay nga malapit sa bulkan.
Wala pa sang nareport nga nasamaran ukon nag-evacuate nga mga residente, apang padayon ang pagbantay kag koordinasyon sang mga ahensya sang gobyerno sa rehiyon.
Sa pihak nga bahin, ang Canlaon City Disaster Risk Reduction and Management Office ang nagapadayon sa pagmonitor kag nakapreposition sang mga emergency vehicles kag responders para sa pag-evacuate sang mgapumuluyo sat ion nga maglala pa ang sitwasyon.
Sa karun,padayon ang pagbinuligay sang mga ahensya sa Negros Island Region agud masiguro ang kaluwasan sang mga residente kag mahatagan dayon sang bulig ang mga apektado sang paglupok sang Kanlaon Volcano.
