Ginhatagan ni Presidente Ferdinand Marcos Jr sang Presidential Medal of Merit sa apat ka mga Filipina nga nagtaliwan subong nga tuig.
Ang pagkilala nga amo ang pinakamataas nga pasidungog nga ginhatag sa isa ka sibilyan ang ginbaton sang mga himata sang aktres nga si Nora Aunor, Gloria Romero, beterana nga singer nga sanday Pilita Corrales kag multi-awarded chef nga si Margarita Fores.
Sa idalum sang Executive Order 236 nga nagasiling nga ang Presidential Medal of Merit ang ginahatag sa mga Pilipino nga nagdala sang kadungganan sa pungsod.
Ginpasalamatan man ni Presidente Marcos ang mga himata sang mga nakabaton sang Presidential Medal of Merit.
Ginpanindugan sang Presidente nga ang pagkilala nga ginbilin sang mga nagtaliwan nga mga icon indi mabaylohan kag indi matupungan.
