Gin-anunsyo sang North Korea nga ila pagabawalan ang mga pangayaw nga turista nga magpadulong sa bag-o bukas nila nga resort.
Sang Hulyo 1 ginbuksan ang Wonsan Kalma Coastal Tourist Zone para mapabaskog ang turismo sang North Korea.
Suno sa North Korea government nga temporaryo lang man ang patigayunon nga pagbawal sa mga pangayaw nga turista nga mag bisita sa lugar.
Wala man nila ginsambit ang rason sang pagbawal sa mga pangayaw sa nasambit nga resort.
Sang tinalikdan nga semana nakaabot ang labing-una nga Russian tourist sa resort sa diin kadungan sini ang pagbisita ni Russian foreign minister Sergei Lavrov.
Gindayaw ni Lavrov ang nasambit nga resort kun sa diin plano sang duha ka pungsod nga mag-angkon sang direct flight sa tunga sang Moscow kag Pyongyang.
