Nagtaas sang gamay ang numero sang mga Pilipino nga may trabaho sang tuig 2025 kon ikumpara sa bulan sang Nobyembre, suno sa pinakaulihi nga datos sang Philippine Statistics Authority (PSA).
Sa Labor Force Survey nga ginpaguwa sang ahensya, ginreport ni National Statistician Claire Dennis Mapa nga ang mga empleyado nga Pilipino naglab-ot sa 49.43 milyon sang Disyembre 2025.
Katumbas ini sa 95.6% nga employment rate sa bug-os nga pungsod.
Ini nga numero mas mataas kon ipaanggid sa 49.26 milyon nga narekord sang Nobyembre, apisar pa nga ini mas manubo sangsa 50.19 milyon nga numero sang trabaho sang Disyembre tuig 2024.
Samtang, nagapabilin naman sa 2.26 million ang unemployed, gani nagapabilin sa 4.4% ang unemployment rate.
Sa pihak nga bahin, ang kalidad sang trabaho nakakita sang positibo nga pagbag-o pagkatapos nga ang underemployment rate nagnubo sa 8%.
Buot silingon, nagnubo ang numero sang mga mamumugon nga nagapangita pa sang dugang nga oras sang trabaho ukon dugang nga trabaho agud masabat ang ila mga kinahanglanon.
Base sa datos sang PSA, ang masunod nga mga sector nga nagapanguna sapagtaas ng employment amo ang Agriculture kag forestry,
Public administration and defense, kag Accommodation and food service activities.
Ginalauman naman nga magapaguwa sang dugang nga pag-analisar ang economic managers sang gobyerno ginalauman nga magapaguwa sang dugang nahanungod sa paghulag sang labor market subong nga tuig.
