Office Staff, dakup matapos ginserbihan sang Warrant of Arrest sa Brgy. Cagay, Roxas City

Arestado ang isa ka office staff matapos ginserbihan sang warrant of arrest sa Barangay Cagay, Roxas City.

Ginkilala ang akusado kay alyas “Anj”, 28-anyos kag residente sang Barangay Punta Tabuc, Roxas city.

Nagapangatubang ang amo nga akusado sa kaso nga Qualified Theft.

Ang warrant of arrest ang gin-isyu kag ginpermahan ni Jugde Esperanza Isabel Poco-Deslate sang Regional Trial Court, Branch 19, Roxas City nga napetsahan sadtong Agosto 29, 2024.

Gin-rekomendar naman sang korte ang P90,000.00 nga piyansa para sa temporaryo sini nga kahilwayan.

Sa karon, yara na ini sa kustodiya sang Roxas City PNP kag natalana nga iturn-over sa court of origin.