ROXAS CITY -Emosyonal nga nagpasalamat kay City Mayor Ronnie Dadivas ang isa sa 8 ka mga Overseas Filipino Workers (OFW) repatriates nga nag-abot sa siyudad sang Roxas matapos nga na-stranded sang pila ka bulan sa Cebu City.
Ginpahayag ni Mr. Aniceto Raza nga dako ang pagpasalamat sini sa mga nagbulig sa ila nga makapauli ilabi kay Keith Dublado nga amo ang nagpakig-angut sa alkalde agud sila ang mapapauli.
Aminado si Raza nga tuman ka budlay ang ila nangin sitwasyon sa Cebu.
Suno diri nga na-eksperyensiyahan niya nga magkatulog sa bangko sa sala agud makaigo sila tanan sa ginadayunan nila nga kwarto.
Ginpahayag sini nga nadulaan na kuntani siya sang paglaom nga makapauli apang lubos ang pagpasalamat sini sang nagdihon sang chartered flight para sa ila pagpauli.
Mahibaluan nga 8 ka mga Overseas Filipino Workers (OFW) repatriates nga nastranded sa Cebu City ang dugang nga nagpalauli kahapon nga adlaw kag natalana nga ipaidalum sa 14 day quarantine sa Hortus Botanicus sa Barangay Milibili Roxas City
