ROXAS CITY -Ginpanginwala sang OIC-Chief of Police sang Sapian Municipal Police Station
nga ginpamalibaran sini ang tuyo nga pagpablotter sang tiayon sang mister nga ginaalegar ginkastigo sang 3 ka mga kapulisan.
Ini ang ginpanindugan ni Police Lieutenant Maria Nanette Fuasan sang mainterview sang Bombo Radyo.
Ginpahayag ni Fuasan nga wala sini ginbalibaran ang mag-asawa nga Dionito kag Anjovelyn Diestro sang tion nga nagpalapit ini sa police station agud magpablotter angut sa gina-alegar pagpangastigo sang 3 ka mga katapo sang Sapian PNP.
Gindugang pa ni Fuasan nga ginkumbinsi pa sini ang mag-asawa nga Diestro nga ipadalum sa medical examination si Dionito Diestro agud makapasaka sang nagakaigo nga panumbongon batuk kay Police Master Sergeant Allan Occeño kag sa duha sini ka mga kaupdanan.
Samtang ginpabutyag man sang opisyal nga ginhatagan pa sini sang kwarta si Anjovelyn agud may yara sang igastos sa pagpamedical sa iya nga bana.//
Apang ginkakibot na gid lamang ni Fuasan nga sa Capiz Police Provincial Office nagpa-blotter ang mag-asawa nga Diestro.
