Nakatalana nga maghiwat ang Bureau of Fisheries and Aquatic Resources (BFAR) sang sampling sa mga isda sa mga lugar nga apektado sang oil spill nagikan sa nagbaliskad nga MT Terra Nova sa Bataan agud mahibaluan kun kinahanglan nga magdeklarar sang fishing ban.
Suno kay BFAR spokesperson Nazario Briguera, posible nga maapektuhan ang pangabuy-anan sang libo-libo nga tripulante kun temporaryo nila nga dumilian ang pagpangisda bangud sa oil spill.
Suno kay Environment Secretary Maria Antonia Yulo-Loyzaga, ang oil spill ang posible man nga makaapekto sa Bulacan, Cavite, kag Pampanga.
Ginlaragway naman sang Philippine Coast Guard (PCG) ang oil spill nga nagdangat sang 12 tubtob 14 kilometro kag nahibaluan nga “manageable” pa ini.
Samtang, nadiskubre sang technical divers sang Harbor Star ang magamay nga tagas nga nagikan sa tank valve.
Gintuad ni Briguera nga ginaganyat sang BFAR ang mga tripulante nga bantayan ang mga palibot sa lugar agud mabal-an kun nagakalat na ang oil spill sa ila nga lugar.
Ang MT Terra Nova nga padulong sa Iloilo ang may 1.4 milyon nga litro sang industrial fuel sang nagbaliskad ini sa kalayuon nga 3.6 nautical miles sa sidlangan sang Limay, Bataan sa takna ala-1:10 sang kaaganhon sang Huwebes.
Suno sa PCG, 16 sa 17 crew members ang naluwas, apang isa ang nasapwan nga patay.
Samtang, ginmandu naman ni Presidente Ferdinand Marcos Jr. ang pagbuo sang isa ka inter-agency task force nga magasabat sa amo nga oil spill.
