Mahimo na nga ma-report ang nagalapta nga online shopping scams subong nga holiday season pinaagi sang eReport feature sang eGov Super App.
Sa isa ka statement, ginpahayag ni Department of Information and Communications Technology (DICT) USec. David Almirol nga ang pinakabag-o nga feature amo ang e-commerce reporting para sa consumer protection sang Department of Trade and Industry (DTI). Nababaton suno sang DTI Consumer Protection Office ang real-time reports kag gilayon ini nga gin-aksyunan.
Ginapadali naman sang bag-o nga e-Report feature ang proseso sang pag-report sang scam numbers pinaagi sang pag-capture sang screenshot sang makaduluda nga text message kalakip ang numero sang sender nga pwede isumite sang user sa gobyerno pinaagi sang eGov App.
Kaangut sini, ginganyat sang DICT ang publiko nga gamiton ang e-Report kag eTravel features sang eGov Super App sa tunga sang ginalauman nga pagtaas sang mga krimen subong nga Christmas holiday
