ROXAS CITY – Ginpatuman na sang barangay officials sang Barangay Baybay, Roxas ang “No parking” sa People’s Park, bilang pagsunod man sa road clearing operation 2.0 sang Department of Interior and Local Government (DILG).
Suno kay Punong Barangay Reynaldo Magallanes nga wala na nila ginpahanugutan nga maka-parked sa natuo nga portion sang People’s Park bilang pagsunod sa road clearing operation.
Magluwas sa no parking, gindumilian man sang mga opisyales ang pagbulad sang isda sa higad sang dalan, bangud nagatuga ini sang sablag sa dalanon.
Kasunod sini nga implementasyon sang mga opisyales madamo ang nagsunod apang iban nga mga residente nga nagpakatig-a nga magsunod.
Sa karon nagapanawagan si Magallanes sa publiko nga magsunod sa pagsulundan bangud kabahin ini sa ginapatuman nga road clearing operation sa idalum sang DILG.
