-- ADVERTISEMENT --
ROXAS CITY – Aminado nga masubo para kay City Councilor Engr. Midelo Ocampo nga mapaslwan sa iya ika-duha kuntani nga termino sa pagpangalagad sa mga taga-syudad sang Roxas, bilang City Councilor.
Sa interview sang Bombo Radyo kay Ocampo, ginpahayag sini nga posible indi mabatyagan sang mga pumuluyo ang iya mga proyekto, apang ginarespeto sini ang nangin desisyon sang mga botante nga ila kinamatarong sa pagpili sang ila nahamut-an.
Sa pihak sini, suportado sa gihapon ni Ocampo ang sa karon nga administrasyon, kag nagalaum nga mas mangin maumwad pa ang Roxas City, sa liwat nga pagpungko ni re-elected Mayor Ronnie Dadivas.
Nahibaluan nga yara sa ika-onse nga puwesto si Ocampo nga nakakakuha sang boto nga 30,786.
